"სამართლიანობის საკითხი, ან ისევ წასულების შესახებ" - ამ სათაურით ატყობინებს რუსეთის დუმის სპიკერი, ვიაჩისლავ ვოლოდინი ქვეყნიდან წასულ მოქალაქეებს, რომ "დუმა" მათ გადასახადებს გაუზრდის. 
ვოლოდინი წერს, რომ საკითხზე მოსაზრებები არაერთგვაროვანია და არიან ისეთებიც, რომლებიც თვლიან, რომ აუცილებელია უპირატესობების მინიჭება და შეღავათები მათთვის, ვინც დატოვა რუსეთი, რათა ისინი უკან დაბრუნდნენ. ვოლოდინი ამბობს, რომ ეს მიდგომა "არ არის სწორი".

"სრულიად გასაგებია, რატომ გაიქცნენ. ვინც მიხვდა, რომ შეცდომა დაუშვა, უკვე დაბრუნდა.
დანარჩენებმა უნდა გააცნობიერონ, რომ საზოგადოების აბსოლუტური უმრავლესობა მხარს არ უჭერს მათს ქმედებას - მიაჩნიათ, რომ მათ უღალატეს სამშობლოს, ნათესავებსა და მეგობრებს.
მაგრამ დღემდე, ვინც წავიდა, არა მხოლოდ მუშაობს რუსულ კომპანიებში დისტანციურად, არამედ სარგებლობს ყველა იმ შეღავათით, რაც მათ აძლევს მათ ჩვენი ქვეყნის კანონმდებლობის შესაბამისად.
სწორია პრეფერენციების გაუქმება მათთვის, ვინც დატოვა რუსეთის ფედერაცია და მათთვის გაზრდილი საგადასახადო განაკვეთი შემოღება. ეს იქნება სამართლიანი" - წერს ვოლოდინი Telegram-ში. 

განცხადების ბოლოს ვოლოდინი წერს, რომ რუსეთის სახელმწიფო სათათბირო მუშაობს კანონპროექტზე, რომელიც შესაბამის ცვლილებებს ასახავს.