"ოცნებას" EU-ში ინტეგრაციის პოლიტიკური ნება არ აქვს, კონსოლიდირებულად უნდა შევცვალოთ ის - 3 პარტიის განცხადება
"გირჩი მეტი თავისუფლება" "დროა" და "სტრატეგია აღმაშენებელი" ევროპარლამენტის საგარეო კომიტეტის ანგარიშთან დაკავშირებით ერთობლივ განცხადებას აკეთებენ და ამბობენ, რომ ყველაზე მნიშვენლოვნი საქმე ამ მომემტნში არის კონსოლიდაცია. მათი თქმით, ეს არა მხოლოდ პოლიტიკურ პარტიებს, არამედ საზოგადოების ყველა აქტიურ წევრს ეხება.
"ეს არის პირველი ოფიციალური დოკუმენტი, ამ პროცესში, როცა ჩვენ ველოდებით ზოგადად შეფასებას ევროკავშირის მხრიდან, სადაც პრაქტიკულად ლაპარაკია არა თუ წინსვლაზე და პერსპექტივასთან მიახლოებაზე, არამედ უკუსვლაზე და რეგრესზე. ასევე, ხაზი მინდა გავუსვა, რომ არცერთი საკითხი არ არის დაკავშირებული რაიმე რთული რეფორმების გატარებასთან, კერძოდ, ეს არის მხოლოდ პოლიტიკურ ნებაზე და სურვილზე რომ დავუახლოვდეთ ევროპას. მაგალითად, ნიკა გვარამიას გამოშვებას დღეს უნდა მხოლოდ სალომე ზურაბიშვილის ნება, მიხეილ სააკაშვილის სამკურნალოდ გადასვლას დღეს უნდა მხოლოდ პოლიტიკური ნება, სასამართლო რეფორმას უნდა მხოლოდ პოლიტიკური ნება, პროპაგანდასთან წინააღმდეგობას, რაც ასევე აღნიშნულია, უნდა მხოლოდ პოლიტიკური ნება, უკრაინის მხარდაჭერას და სანქციებს თავს რომ არ ვარიდებდეთ, უნდა მხოლოდ პოლიტიკური ნება. ამიტომ ჩვენ უნდა გვესმოდეს, რომ ამ ხელისუფლებას ეს პოლიტიკური ნება არ აქვს, პასუხისმგებლობა ავიღოთ ჩვენ და კონსოლიდირებულად შევცვალოთ ეს ხელისუფლება", - თქვა ელენე ხოშტარია."სტრატეგია აღმაშენებლი" ამბობს, რომ მოსახლეობის და პოლიტიკური სპექტრის კონსოლიდაცია რაც შეიძლება სწრაფად უნდა მოხდეს, რადგან მომავალ თვეებში "ქართული ოცნება" კიდევ უფრო დაგვაშორებს ევროპულ არჩევანს.