სამხედრო დახმარების მიწოდებით, ჩვენ უკრაინა მოლაპარაკებების მაგიდასთან უნდა გავაძლიეროთ - სტოლტენბერგი
NATO-ს გენერალური მდივნის, იენს სტოლტენბერგის თქმით, უკრაინის წარმატებამ ბრძოლის ველზე, შესაძლოა კიევი უფრო გააძლიეროს მოსკოვთან სამომავლო მოლაპარაკებებში.
როგორც მან აღნიშნა, რისი მიღწევაც უკრაინას მოლაპარაკებების მაგიდასთან შეუძლია, დამოკიდებულია ბრძოლის ველზე სიძლიერეზე.
მან კიდევ ერთხელ აღნიშნა, რომ პუტინი ბრძოლის ველზე მარცხდება და ის ამ მარცხს პასუხობს უფრო განურჩეველი თავდასხმებით უკრაინის ქალაქებზე, მშვიდობიან მოსახლეობასა და კრიტიკულ ინფრასტრუქტურებზე, ასევე საშიში ბირთვული რიტორიკით.
როგორც მან აღნიშნა, რისი მიღწევაც უკრაინას მოლაპარაკებების მაგიდასთან შეუძლია, დამოკიდებულია ბრძოლის ველზე სიძლიერეზე.
"ომების უმეტესობა მოლაპარაკებების მაგიდასთან მთავრდება, ამავდროულად, ჩვენ ვიცით, რომ რისი მიღწევაც უკრაინას მოლაპარაკებების მაგიდასთან შეუძლია, მთლიანად დამოკიდებულია ბრძოლის ველზე მათ სიძლიერეზე. ასე, რომ სამხედრო დახმარების მიწოდებით ჩვენ ისინი მოლაპარაკებების მაგიდასთან უნდა გავაძლიეროთ. რაც უფრო ძლიერია უკრაინა ბრძოლის ველზე, მით უფრო სავარაუდოა, რომ ჩვენ გვექნება პოლიტიკური გადაწყვეტა, რომელიც უზრუნველყოფს უკრაინის გამარჯვებას, როგორც სუვერენულ, დამოუკიდებელ ერს ევროპაში", - თქვა სტოლტენბერგმა.ამის შესახებ სტოლტენბერგმა ბრიუსელში რუმინეთის პრემიერთან შეხვედრის შემდეგ გამართულ ბრიფინგზე ისაუბრა.
მან კიდევ ერთხელ აღნიშნა, რომ პუტინი ბრძოლის ველზე მარცხდება და ის ამ მარცხს პასუხობს უფრო განურჩეველი თავდასხმებით უკრაინის ქალაქებზე, მშვიდობიან მოსახლეობასა და კრიტიკულ ინფრასტრუქტურებზე, ასევე საშიში ბირთვული რიტორიკით.
"ყოველ კვირას, უკრაინული ძალები უფრო ძლიერი და უკეთ აღჭურვილი ხდებიან", - თქვა მან.გარდა ამისა, სტოლტენბერგი "ბინძური ბომბის" შესახებ კრემლის პროპაგანდას გამოეხმაურა და ბრალდებები უარყო:
"ეს აბსურდია. მოკავშირეები უარყოფენ ამ უხეშ ცრუ ბრალდებას. რუსეთმა არ უნდა გამოიყენოს ცრუ საბაბი ომის შემდგომი ესკალაციისთვის. NATO არ იქნება შეშინებული და არ შეაფერხებს უკრაინის თავდაცვის უფლების მხარდაჭერას, რამდენ ხანსაც ეს საჭირო იქნება", - თქვა სტოლტენბერგმა.