„რუსეთის ფედერაცია უკრაინაში მიმდინარე „სპეციალური ოპერაციის“ ფარგლებში უკან დახევას არ აპირებს“, - ამის შესახებ კრემლის ლიდერის პრესმდივანმა დმიტრი პესკოვმა განაცხადა. მან, ასევე, თქვა, რომ შეერთებული შტატები მიმდინარე პროცესებში დე ფაქტო მონაწილეობს. 
„აშშ უკვე ჩაბმულია ამ კონფლიქტში. გუშინ შევიტყვეთ საჰაერო თავდაცვის სისტემებთან დაკავშირებით განზრახვების შესახებ. დიახ, ეს კონფლიქტს გაახანგრძლივებს და უფრო მტკივნეულს გახდის უკრაინული მხარისთვის, მაგრამ ეს არ შეცვლის ჩვენს მიზნებსა და საბოლოო შედეგს“, - აცხადებს პესკოვი. 
აღსანიშნავია, რუსეთის მასიური დარტყმების ფონზე, აშშ-ის პრეზიდენტი ჯო ბაიდენი უკრაინელ კოლეგას საჰაერო თავდაცვის სისტემების მიწოდებას დაჰპირდა.