უკრაინის პრეზიდენტის, ვოლოდიმირ ზელენსკის ცნობით, იზიუმში კიდევ ორი მასობრივი საფლავი აღმოაჩინეს. ამის შესახებ მან CBS News-თან ინტერვიუში ისაუბრა და განმარტა, რომ აქ ასობით ადამიანის ცხედარია. 

"ვიპოვეთ დიდი მასობრივი საფლავი, სადაც 500 ადამიანი იყო. დღეს მივიღე ინფორმაცია, რომ ჟურნალისტები გზაში არიან, მათ აღმოაცინეს კიდევ ორი მასობრივი საფლავი, დიდი საფლავი ასობით ადამიანით. ჩვენ ვსაუბრობთ პატარა ქალაქ იზიუმზე. პატარა ქალაქში კიდევ ორი მასობრივი საფლავია" - განაცხადა ზელენსკიმ.

შეგახსენებთ, რომ დეოკუპაციის შემდეგ, იზიუმში მასობრივი საფლავი 16 სექტემბერს აღმოაჩინეს, სადაც 400-ზე მეტი ცხედარი იპოვეს. მათი უმეტესობა ნაწამებია. კერძოდ, ყელზე შემოხვეული აქვთ თოკები და ხოლო ხელები შეკრული აქვთ.
უკრაინელი სამხედროები ქალაქ იზიუმში 10 სექტემბერს შევიდნენ და 6-თვიანი ოკუპაციისგან გაათავისუფლეს.
შურისძიება სამართლიანად საშინელი იქნება, ყოველი წამებული სულისთვის - ასე გამოეხმაურა მაშინ პრეზიდენტი ზელენსკი რუსული სისასტიკის დამადასტურებელ მორიგ ფაქტებს.