ბორჯომის მუნიციპალიტეტში ხანძრის ახალი კერა გაჩნდა. საგანგებო სიტუაციების მართვის სამსახურში "რადიო თავისუფლებას" უთხრეს, რომ ცეცხლი ტყის მასივს უკიდია, ტერიტორია კი შორს არის გასულ თვეში ბორჯომის ხეობაში გაჩენილი ხანძრის ადგილიდან.
უწყების ცნობით, ადგილზე უკვე მუშაობენ მეხანძრე მაშველები. ქრობის პროცესში ჩართულია სასაზღვრო პოლიციის ვერტმფრენიც.
გამოცემა "სამხრეთის კარიბჭე" ხანძრის ამსახველ ვიდეომასალას ავრცელებს.