არ ვფიქრობ, რომ გამოძიება უნდა დაიწყოს გოგაშვილის მასალებზე - ვოლსკი
"ქართული ოცნების" დეპუტატი გია ვოლსკი არ თვლის, რომ სუს-ის ყოფილი გოგაშვილის, სოსო გოგაშვილის მიერ მოპოვებულ მასალებზე, რომელშიც ჩანს, როგორ მუშაობდა სუს-ი არჩევნებში ქართული ოცნების სასარგებლოდ, გამოძიება უნდა დაიწყოს.
"მე არ ვფიქრობ, რომ გამოძიება უნდა დაიწყოს გოგაშვილის მასალებთან დაკავშირებით, ვინაიდან გამოძიებები ჩატარდა. რა ოფიციალურ დოკუმენტაციაზე შეიძლება იყოს ლაპარაკი, რა ოფიციალური დოკუმენტი შეიძლება შეიქმნას იმასთან დაკავშირებით, რომ სოსო გოგაშვილს და მის სამსახურს არ მოსწონს 96 თუ 86 სკოლის დირექტორი. ამაზე რა ოფიციალური დოკუმენტი უნდა შეიქმნას, ეს არის თავდაცვის გარკვეული ფორმა", - თქვა გია ვოლსკიმ.ცნობისთვის, მასალები 21 ივლისს ორმა გავლენიანმა არასამთავრობო ორგანიზაციამ გაავრცელა. მასში არჩევნების გაყალბების საქმეში ახალი მტკიცებულებებია ასახული.