უკრაინის ქალაქ მარიუპოლის მერის მრჩეველი, პიოტრ ანდრიუშენკო აცხადებს, რომ რუსეთი 1 სექტემბრამდე ოკუპირებული ტერიტორიების სრულ იურიდიულ ანექსიას გეგმავს. მან ხაზგასმით აღნიშნა, რომ რუსეთი ოკუპირებულ ტერიტორიებს უკვე თავის რეგიონებად მოიხსენიებს.

"გუშინ რუსეთის ახალგაზროდბის განათლების პროპაგანდის მინისტრმა განცხადების სახით თქვა, თუ როგორ წარიმართება სასწავლო პროცესი დონეცკის, ლუგანსკის, ზაპოროჟიეს და ხერსონის ოლქების სკოლებში... რუსეთში. არავითარი კვაზი რესპუბლიკები და სატელიტები. არაფერი იმალება" - თქვა მან.

მისივე განცხადებით, რუსები განათლების სისტემას, საბანკო სფეროსა და სხვა საკითხებს მთლიანად რუსულ კანონმდებლობას არგებენ.