შანსები დაბალია, რთული სათქმელია მიიღებს თუ არა საქართველო პირობით სტატუსსაც კი - ჟოზვიაკი
"რადიო თავისუფლების" ბრიუსელის ბიუროს ჟურნალისტი, რიკარდ ჟოზვიაკი ამბობს, რომ რთული სათქმელია მიიღებს თუ არა საქართველო პირობით სტატუსსაც კი. მისი თქმით, საკითხზე ევროკომისიაში ამ დრომდე მსჯელობენ და მათ ბევრი კითხვები აქვთ.
"მთავარ არხთან" საუბარში ჟოზვიაკი აცხადებს, რომ თუ საქართველოს სტატუსს მიანიჭებენ, ევროკომისიას ექნება ძალიან მკაცრი მითითებები, რაც ქვეყანაში მთელი რიგი რეფორმების გატარებას გულისხმობს.
"მთავარ არხთან" საუბარში ჟოზვიაკი აცხადებს, რომ თუ საქართველოს სტატუსს მიანიჭებენ, ევროკომისიას ექნება ძალიან მკაცრი მითითებები, რაც ქვეყანაში მთელი რიგი რეფორმების გატარებას გულისხმობს.
"ევროკომისიაში ამ დრომდე მსჯელობენ თუ რა გადაწყვეტილება მიიღონ საქართველოსთან მიმართებაში. მათ ბევრი კითხვა აქვთ. საქართველოს შანსები ძალიან დაბალია. რთული სათქმელია მიიღებს თუ არა საქართველო პირობით სტატუსსაც კი. ევროკომისიისა და ევროპარლამენტარების ოფიციალური წარმომადგენლებისგან რაც მსმენია, იმაზე დაყრდნობით შემიძლია ვთქვა, რომ საქართველოში ყველა მიმართულებით უკუსვლაა.ევროკომისია საბოლოო გადაწყვეტილებს საკითხზე თვის ბოლოს მიიღებს.
ძნელია პოზიტიური სიგნალების გაგზავნა. უკრაინა და მოლდოვა ასე თუ ისე სწორი მიმართულებით მიდიან, ხოლო საქართველო არასწორი გზით. ეს კარგად იციან ევროკავშირში, ევროპარლამენტსა და ევროკომისიაში, სადაც უკმაყოფილოები არიან საქართველოთი. თუმცა თუ პირობითი სტატუსის მინიჭება მაინც მოხდება, ევროკომისიას ექნება ძალიან მკაცრი მითითებები. ხელისუფლებას მოუწევს რეფორმების ჩატარება, ეს განსაკუთრებით ეხება სასამართლოს, ადამიანის უფლებებს, დამოუკიდებელ მედია გარემოსა და კორფციას", - თქვა ჟოზვიაკმა.