უთხარით ხალხს, რომელიც იძულებულია რუსეთის დროშა ნახოს ჩვენ მიწაზე, უკრაინის ჯარი აუცილებლად მოვა - ზელენსკი
უკრაინის პრეზიდენტი, ვოლოდიმირ ზელენსკი ამბობს, რომ დონბასის რეგიონისთვის ბრძოლა სამხედრო ისტორიაში დარჩება, როგორც ერთ-ერთი ყველაზე სასტიკი ბრძოლა ევროპაში და ევროპისთვის. ამ თემაზე მან ტრადიციულ ვიდეო მიმართვაში ისაუბრა და აღნიშნა, რომ მტერს უპირატესობა აქვს აღჭურვილობის, განსაკუთრებით საარტილერიო სისტემების მხრივ.
"აბსოლუტურ ბოროტებასთან გვაქვს საქმე. და სხვა გზა არ გვაქვს, გაგრძელების გარდა, ჩვენი ტერიტორიების გათავისუფლების გარდა. ოკუპანტების ჩვენი ყველა რეგიონიდან განდევნის. მიუხედავად იმისა, რომ ახლა ჩვენი ფრონტის ხაზის სიგანე უკვე 2,5 ათას კილომეტრზე მეტია, იგრძნობა, რომ სტრატეგიული ინიციატივა კვლავ ჩვენია.მან კიდევ ერთხელ აღნიშნა, რომ უკრაინა გაათავისუფლებს ყირიმსაც და ყველა რუსმა ჩინოვნიკმა, რომელმაც უკრაინას ეს ძვირფასი მიწა წაართვა, უნდა იცოდეს, რომ ეს არაა ის მიწა, სადაც მშვიდობა ექნებათ.
ჩავალთ ყველა ჩვენს ქალაქში, ყველა ჩვენს სოფელში, რომელთა ადმინისტრაციულ შენობებზე ჯერ არ არის ჩვენი დროშა. მიუხედავად იმისა, რომ იქ უამრავი უკრაინის დროშაა, მოქალაქეების სახლებში, ამაში დარწმუნებული ვარ. და ჩვენ უკვე ვნახეთ ისინი, როცა ხალხი ოკუპაციას აპროტესტებდა. და ჩვენ მათ ისევ ვნახავთ - ყველგან, როცა დავბრუნდებით. [...]
და ვთხოვ ყველას, ვისაც აქვს ასეთი შესაძლებლობა, კომუნიკაცია ჰქონდეს ხალხთან ოკუპირებულ სამხრეთში, დონბასში, ხარკოვში. უთხარით, მოუყევით მათ უკრაინის შესახებ. უთხარი მათ სიმართლე. უთხარით, რომ მოხდება გათავისუფლება. უთხარით კირილივკას, ჰენიჩესკს, ბერდიანსკს, მანჰუშს. უთხარი ჰორლივკას, დონეცკს, ლუგანსკს. უთხარით ყველას ხარკოვის რეგიონში, ვინც ჯერ კიდევ იძულებულია ნახოს რუსეთის დროშა ჩვენს უკრაინულ მიწაზე. უთხარით, რომ უკრაინის ჯარი აუცილებლად მოვა", - თქვა ზელენსკიმ.