უკრაინის პრეზიდენტის აპარატის უფროსის მრჩეველი მიხაილ პოდოლიაკი მიიჩნევს, რომ რუსი დიქტატორი ვლადიმერ პუტინი მიზნის მისაღწევად ყველა არსებულ რესურსს გამოიყენებს.
„100 დღეზე მეტია ვებრძვით „მსოფლიოს მეორე არმიას“. პუტინი მიზნის მისაღწევად ნებისმიერ რესურსს დახარჯავს. ამიტომ რუს დიქტატორთან საუბარი მხოლოდ ძალის პოზიციიდან არის შესაძლებელი. ჩვენ კიდევ ერთხელ დავამტკიცებთ როგორია უკრაინა დღეს და როგორია რუსეთი. ამას აუცილებლად დავამტკიცებთ“, - აცხადებს პოდოლიაკი. 
მანამდე პოდოლიაკმა განაცხადა, რომ უკრაინისა და რუსეთის დელეგაციების მოლაპარაკებები შეჩერებულია , რადგან პუტინს უკრაინაში ცეცხლის შეწყვეტა არ სურს.