"ყველა, ვინც ჩვენი მოქალაქეების დაბომბვის ბრძანება გასცა, ვინც აუპატიურებდა და კლავდა, პასუხს აგებს" - ერმაკი
"უკრაინის რუკაზე მარიუპოლი დღეს ყველაზე ტრაგიკული ადგილია", - ამის შესახებ უკრაინის პრეზიდენტის ადმინისტრაციის ხელმძღვანელმა, ანდრეი ერმაკმა განაცხადა.
როგორც მან აღნიშნა, მიუხედავად იმისა, რომ რუსები მარიუპოლში არიან შესული, ისინი ქალაქს ვერ აკონტროლებენ, რადგან უკრაინელი სამხედროები ბრძოლას აგრძელებენ.
როგორც მან აღნიშნა, მიუხედავად იმისა, რომ რუსები მარიუპოლში არიან შესული, ისინი ქალაქს ვერ აკონტროლებენ, რადგან უკრაინელი სამხედროები ბრძოლას აგრძელებენ.
"გავრცელებულ ინფორმაცია, რომ თითქოს რუსეთმა მარიუპოლი მთლიანად აიღო, სიცრუეა. მართალია ისინი ქალაქში არიან, მაგრამ სიტუაციას ვერ აკონტროლებენ. ბრძოლა მარიუპოლისთვის არ დასრულებულა. ის ყოველთვის უკრაინული ქალაქი იყო და ეს არასდროს შეიცვლება", - აღნიშნა ერმაკმა.მისივე თქმით, რასაც რუსი სამხედროები უკრაინაში აკეთებენ, სამხედრო დანაშაულია და ამის უამრავი მტკიცებულება არსებობს.
"ისინი დასახლებულ პუნქტებს ანადგურებდნენ. დაბომბეს მარიუპოლის თეატრი, მიუხედავად იმისა რომ იქ მყოფი ბავშვების შესახებ იცოდნენ. მთელმა მსოფლიომ დაინახა, როგორც ცდილობდნენ ჩვენი ექიმები და მაშველები ბავშვებისა და ორსული ქალების ევაკუაციას. ყველა, ვინც ჩვენი მოქალაქეების დაბომბვის ბრძანება გასცა, ყველა ვინც აუპატიურებდა და კლავდა, პასუხს აუცილებლად აგებს სასჯელს ვერავინ დაემალება", - თქვა ანდრეი ერმაკმა.