მდინარაძე კარლ ჰარცელს "კატეგორიულად არ ეთანხმება"
"მის აზრს უბრალოდ კი არა, კატეგორიულად არ ვეთანხმები" - ასე გამოეხმაურა ოცნების წევრი, მამუკა მდინარაძე ევროკავშირის ელჩის, კარლ ჰარცელის განცხადებას ოპოზიციონერი დეპუტატებისთვის უფლებამოსილების შეწყვეტასთან დაკავშირებით. მდინარაძის შეფასებით, დიპლომატის ეს განცხადება არ იყო სწორი, ვინაიდან ევროკავშირის ელჩმა არ იმსჯელა იმ კრიტერიუმებით, რომელიც ამ გადაწყვეტილებას დაედო საფუძვლად.
"მე ბატონ კარლ ჰარცელს, მიუხედევად ჩემი მისდამი პატივისცემისა, მის აზრს კატეგორიულად არ ვეთანხმები. უბრალოდ კი არა, კატეგორიულად არ ვეთანხმები. იმიტომ რომ, ეს არ იყო სწორი განცხადება. არც ბატონმა კარლმა ამ შემთხვევაში არ იმსჯელა იმ ობიექტური კრიტერიუმებით და გარემოებებიდან გამომდინარე, რაც ამ გადაწყვეტილებას დაედო საფუძვლად" ამბობს მდინარაძე.შეგახსენებთ, რომ საქართველოში ევროკავშირის ელჩი, კარლ ჰარცელი ოპოზიციონერი დეპუტატებისთვის უფლებამოსილების შეწყვეტას გუშინ გამოეხმაურა. მისი თქმით, ეს შესაძლოა, დემოკრატიული პლურალიზმის ხარჯზე მოხდა.