ევროპარლამენტარები რომ გამორბიან, დაკავდნენ რამე სხვა საქმით, თუ აქვთ - ზარქუა
ევროპარლამენტარის მოწერა სამი დღით ადრე, რომ იცით რა, ჩვენ შეხვედრა გვინდა და შეგვხვდით, ეს არის მიუღებელი, არაადეკვატური, პირდაპირ გეტყვით - აცხადებს "ოცნების" დეპუტატი ზარქუა და ევროპარლამენტარებს ურჩევს, "საქმით დაკავდნენ"
"მე მესმის, რომ საქართველო არის ულამაზესი, უძველესი ისტორიით, თავისი კულტურით და ტრადიციებით და თუ მათ ნახვა უნდათ, მობრძანდნენ, დავპატიჟებ პირადად, მაგრამ იქ სადაც არის ფორმატი, რომელიც ითვალისწინებს გარკვეულ წესებს და პროცედურებს - ჯერ პირველი პირები არ შეთანხმებულან ფორმატზე, რა როგორ... ევროპარლამენტარები რომ გამორბიან, დაკავდნენ რამე სხვა საქმით, თუ აქვთ. თუ ვინმემ ამოწურა იქ თავი, ვერ ხედავს თავს და თუ უცხო ქვეყანაში მოგზაურობა უნდა, ეს სხვა ფორმატია და ამისთვის ნუ გამოიყენებენ და ჩრდილს ნუ მიაყენებენ, როგორც ქვეყანას, სახელმწიფოს და ნურც ამ ინსტიტუციას." ამბობს ზარქუა.შეგახსენებთ, პარლამენტის თავმჯდომარე შალვა პაპუაშვილმა, საქართველოში ევროპარლამენტარების ვიზიტი ჩაშალა. მან "დრო ვერ გამონახა" ჟან მონეს დიალოგში მონაწილეობისთვის. ამის შესახებ თავად ევროპარლამენტარებმა გაავრცელეს განცხადება.