"ნიკა გვარამია არის გარყვნილების მთავარი პროპაგანდისტი ქვეყანაში" - ღარიბაშვილი წინასაარჩევნო კამპანიას აგრძელებს
ირაკლი ღარიბაშვილი წინასაარჩევნო კამპანიას აგრძელებს. ოპონენტები და წინა ხელისუფლების წარმომადგენლები მან ამჯერად სამტრედიაში ლანძღა, სადაც მერობის კანდიდატი, დავით ბახტაძე წარადგინა.
"უნდა შევადაროთ პროფესორი რატი ბრეგაძე ზურაბ ადეიშვილს, უნდა შევადაროთ ვახტანგ გომელაური ვანო მერაბიშვილს. უნდა შევადაროთ გრიგოლ ლილუაშვილი ახალაიას და სხვა უამრავ სადიზმით და სისასტიკით გამორჩეულ მკვლელებს და კორუმპირებულებს, რომლებიც ანგრევდნენ ჩვენს ქვეყანას" - თქვა ღარიბაშვილმა.ტრადიციულად არ დავიწყებია არც ნიკა გვარამია:
„უნდა შევადაროთ მეცნიერი კაცი მიხეილ ჩხენკელი ნიკა გვარამიას, ბატონებო, ნიკა გვარამიას, რომელიც არის გარყვნილების მთავარი პროპაგანდისტი ქვეყანაში და რომელიც იყო განათლების მინისტრი. ამაზე მეტი თვალსაჩინო მაგალითები მოსახლეობისთვის, ვფიქრობ არ გვაქვს და ყველაფერი ნათელია. რა თქმა უნდა, ამ ადამიანებმა, რომელთა გვარებიც ჩამოვთვალე, სააკაშვილის მეთაურობით ერთხელ უკვე გაანადგურეს ქვეყანა და ტერიტორიები დაგვაკარგინეს. ჩვენ მათ მეორედ ამის გაკეთების უფლებას აღარ მივცემთ“ - ამბობს პრემიერი ღარიბაშვილი.