ესტონეთის პრეზიდენტი უკრაინა - მოლდოვა-საქართველოზე - გულწრფელად რომ ვთქვა, არც ერთი ასრულებს წევრობის კრიტერიუმებს
ესტონეთის პრეზიდენტი კერსტი კალიულაიდი მიიჩნევს, რომ საქართველოს, უკრაინასა და მოლდოვას, შესაძლოა 20-წლიანი მუშაობა დასჭირდეთ ევროკავშირში გაწევრიანების მზაობის მისაღწევად.
აღმოსავლეთ პარტნიორობის ქვეყნების, ნატო-სა და ევროკავშირში გაწევრიანების პერსპექტივებზე კალიულაიდმა Европейская правда-ს უკრაინულ გამოცემასთან ინტერვიუში ისაუბრა.
პრეზიდენტი აცხადებს, რომ პირადად ის ევროკავშირის გაფართოების მომხრეა, თუმცა ამას დიდი დრო სჭირდება.
„ვისურვებდი, ევროკავშირი უფრო გაბედული იყოს გაფართოების საკითხში. საჭიროა რაღაც ტიპის გადაწყვეტილებები აღმოსავლეთ პარტნიორობის ქვეყნებისთვის - ან მათ სრულფასოვან წევრობას ვთავაზობთ, ან ახალ ფორმატს ვქმნით ამ სამი სახელმწიფოსთვის (უკრაინა, საქართველო, მოლდოვა), რომლებსაც აქვთ ამბიცია. ევროკავშირში გაწევრიანებას მთელი რიგი პირობები აქვს. გულწრფელად რომ ვთქვა, არც ერთი თქვენი ქვეყნებიდან არ ასრულებს წევრობის კრიტერიუმებს. თქვენ დაგჭირდებათ ალბათ 20-წლიანი მუშაობა, ვიდრე ამ მზაობას მიაღწევთ. სამივე ქვეყანას პრობლემები აქვს მართლმსაჯულებასთან დაკავშირებით“, - განაცხადა კერსტი კალიულაიდმა.
მისივე თქმით, საქართველო, უკრაინა და მოლდოვა ევროკავშირთან ეკონომიკის კუთხით უკვე ახდენენ ინტეგრირებას.
„შესაძლოა, ევროინტეგრაციის გზაზე საჭირო იყოს შუალედური ეტაპი, რომელიც დაეხმარება უკრაინას, მოლდოვას ან საქართველოს. ჩვენ მზად ვართ დაგეხმაროთ ამ ცვლილებებში, მაგრამ საქმე თქვენ უნდა შეასრულოთ და ეს რთული სამუშაოა“, - აღნიშნა ესტონეთის პრეზიდენტმა.
აღმოსავლეთ პარტნიორობის ქვეყნების, ნატო-სა და ევროკავშირში გაწევრიანების პერსპექტივებზე კალიულაიდმა Европейская правда-ს უკრაინულ გამოცემასთან ინტერვიუში ისაუბრა.
პრეზიდენტი აცხადებს, რომ პირადად ის ევროკავშირის გაფართოების მომხრეა, თუმცა ამას დიდი დრო სჭირდება.
„ვისურვებდი, ევროკავშირი უფრო გაბედული იყოს გაფართოების საკითხში. საჭიროა რაღაც ტიპის გადაწყვეტილებები აღმოსავლეთ პარტნიორობის ქვეყნებისთვის - ან მათ სრულფასოვან წევრობას ვთავაზობთ, ან ახალ ფორმატს ვქმნით ამ სამი სახელმწიფოსთვის (უკრაინა, საქართველო, მოლდოვა), რომლებსაც აქვთ ამბიცია. ევროკავშირში გაწევრიანებას მთელი რიგი პირობები აქვს. გულწრფელად რომ ვთქვა, არც ერთი თქვენი ქვეყნებიდან არ ასრულებს წევრობის კრიტერიუმებს. თქვენ დაგჭირდებათ ალბათ 20-წლიანი მუშაობა, ვიდრე ამ მზაობას მიაღწევთ. სამივე ქვეყანას პრობლემები აქვს მართლმსაჯულებასთან დაკავშირებით“, - განაცხადა კერსტი კალიულაიდმა.
მისივე თქმით, საქართველო, უკრაინა და მოლდოვა ევროკავშირთან ეკონომიკის კუთხით უკვე ახდენენ ინტეგრირებას.
„შესაძლოა, ევროინტეგრაციის გზაზე საჭირო იყოს შუალედური ეტაპი, რომელიც დაეხმარება უკრაინას, მოლდოვას ან საქართველოს. ჩვენ მზად ვართ დაგეხმაროთ ამ ცვლილებებში, მაგრამ საქმე თქვენ უნდა შეასრულოთ და ეს რთული სამუშაოა“, - აღნიშნა ესტონეთის პრეზიდენტმა.