ჟურნალისტებზე გახშირებული ძალადობის ფაქტების გამო მედიის წარმომადგენლები პასუხისმგებლობას ხელისუფლებას აკისრებენ. ისინი ამბობენ, რომ სწორედ მთავრობისა და მმართველი უმრავლესობის აგრესიული რიტორიკა ახალისებს მსგავს ფაქტებს, დაუსჯელობის სინდრომს კი ჟურნალისტებზე თავდასხმის ფაქტების გამოუძიებლობა და ამ საქმეების მიმართ ხელისუფლების გულგრილობა ქმნის.

თუ ხელისუფლება გვყავს და ამას უშვებს და თუნდაც პრევენციული მეთოდების გამო ამ ადამიანებს არათუ არ იჭერს, არამედ არ აფრთხილებს მსგავს რაღაცაზე, ესაა უკვე სიტუაცია, როცა ხელისუფლება ახალისებს ძალადობას ჟურნალისტების მიმართ - ამბობს ტელეკომპანია "ფორმულას" დირექტორის მოადგილე, ჟურნალისტი გიორგი თარგამაძე.

ხელისუფლება, ეკლესია, ყველანი ვოლსკის ენაზე მღერიან...საიდან მოიგონეს, რომ ეს დასაშვებია? იმ 90-იანების წესით დასრულდება ყველას ამბავი, ვინც ძალადობას მიჰყოფს ხელს - ამბობს მიშა მშვილდაძე "ფორმულას" დამფუძნებელი და ტელეწამყვანი 

ვახო სანაია კი, რომელიც რამდენიმე თვის წინ თავადაც გახდა თავდასხმის ობიექტი ამბობს, რომ ეს ყველაფერი იქამდე გაგრძელდება, ვიდრე დამნაშავე სათანადოდ არ დაისჯება

ტალღა, როდესაც ერთი ხდება და იმას არ გამოიძიებს და პასუხს არ აგებინებს, მოჰყვება სხვა, ჯაჭვური რეაქცია. თითქოს ანაფორას რომ ჩაიცვამ ეს უფლებაა იმისთვის, რმ ადამიანს ფიზიკურად შეეხო, ხელისუფლება ვერ ბედავს სასულიერო პირების პასუხისმგებლობის დაყენებას და ეს მუდმივად გაგრძელდება, სანამ პასუხი არ იქნება" ამბობს ვახო სანაია

ბოლო პერიოდში მთავარის ჟურნალისტებზეც არაერთი თავდასხმის ფაქტი მოხდა, თუმცა არც ერთ მათგანზე სამართალდამცველებს სათანადო რეაგირება არ ჰქონიათ.