პრეზიდენტმა ვეტოს უფლება არ გამოიყენა
პრეზიდენტმა ზურაბიშვილმა ადმინისტრაციულ სამართალდარღვევათა კოდექსში შეტანილ ცვლილებებს ხელი მოაწერა.
შარლ მიშელის დოკუმენტზე ხელმომწერი ოპოზიციის მოლოდინები არ გამართლდა - სალომე ზურაბიშვილმა ვეტოს უფლება ისევ არ გამოიყენა.
განცხადება პრეზიდენტმა სპეციალურ ბრიფინგზე, რამდენიმე წუთის წინ გააკეთა.
შესაბამისად, კანონპროექტი, რომელსაც ხელისუფლების ოპონენტები და სამოქალაქო საზოგადოების ნაწილი აფასებს, როგორც რეპრესიები და პროტესტის ჩახშობის მცდელობა, კანონად იქცა.