შრომის ინსპექციამ ბერი გაბრიელ სალოსის ქუჩაზე, ფართომასშტაბიანი სოციალური ღონისძიების გამართვისთვის ფიზიკური და იურიდიული პირები დააჯარიმა.

ბერი გაბრიელ სალოსის ქუჩაზე მდებარე ფართში სისტემატურად, ბოლო დღეების განმავლობაში იმართებოდა ფართომასშტაბიანი სოციალური ღონისძიება რეგულაციების უხეში დარღვევით. სახეზე გვქონდა ფიზიკური და იურიდიული პირების ერთობლივი ქმედება, ერთგვარი სქემა, რომელთა ერთობლივი ქმედებებით ქვეიჯარის და მოიჯარის სიმრავლით ხდებოდა ფაქტობრივად შენიღბვა სამართალდარღვევის და მუდმივად, ყოველი ინსპექტირების ჯერზე გვხვდებოდა ახალი ფიზიკური პირი, რომლის მიმართაც იწყებოდა კანონმდებლობით გათვალისწინებული ღონისძიებების გატარება" აცხადებს ბექა ფერაძე.

მისივე თქმით, შრომის ინსპექციამ აღნიშნული შემთხვევა "წინასწარ განზრახულ სამართლადღვევის სქემად" შეაფასა:

შრომის ინსპექციამ გამოიყენა სანქცია და ერთი სამართალდარღვევისთვის, ვინაიდან მივიჩნიეთ, რომ ეს არის წინასწარ განზრახული სამართლადღვევის სქემა, სადაც მეიჯარის, მოიჯარის და სუბიექტების სიმრავლით ჰქონდათ მიზანი, რომ შეენიღბათ ეს ღონისძიება, სამივე მათგანის მიმართ იქნა სანქცია გამოყენებული' ამბობს ფერაძე.

ინსპექციამ ფიზიკური 2000, ხოლო იურიდიული პირები 10 000 ლარით დააჯარიმა. ჯამში ჯარიმა 22 000 ლარია.
მთავრობამ სოციალური ღონისძიებებისთვის (ქორწილი, იუბილე, ქელეხი და სხვა), ასევე მასობრივი გასართობი ღონისძიებისთვის ფართის გაცემა/დათმობა, 8 აპრილს აკრძალა.