"ეს აუდიო ჩანაწერი მიუთითებს იმაზე, რომ ქვეყანას მართავს კრიმინალური სინდიკატი, რომელშიც შედის მოქმედი პრემიერმინისტრი, ისევე როგორც ქვეყნის არაფორმალური მმართველი ბიძინა ივანიშვილი და მისი ოჯახის წევრები და ამიტომ არ არის გასაკვირი, რომ დასავლეთში უკვე პირდაპირ დაიწყო საუბარი სანქციების საფრთხეზე მის წინააღმდეგ." - აცხადებს "ერთიანი ნაციონალური მოძრაობის" წევრი, თინა ბოკუჩავა, TV პირველის ეთერში, ამავე ტელევიზიაზე გასული ჩანაწერის შესახებ, რომელშიც, ავტორების მტკიცებით, პრემიერმინისტრი ირაკლი ღარიბაშვილი და ბიძინა ივანიშვილის შვილი, ბერა ივანიშვილი საუბრობენ.