საერთაშორისო საზოგადოება უკვე ალაპარაკდა ისე, როგორც თვეების წინ გვინდოდა - მელია
"ნაციონალური მოძრაობის" თავმჯდომარის, ნიკა მელიას განცხადებით, პროტესტმა შედეგი გამოიღო და საერთაშორისო საზოგადოება ისე ალაპარაკდა, როგორც უნდოდათ, რომ თვეების წინ ალაპარაკებულიყო.
"ეს არის ჩვენი სამოქალაქო-პოლიტიკური პროტესტის უკიდურესი ფორმა, რამაც შედეგი გამოიღო, იმ თვალსაზრისთის, რომ მთელი საერთაშორისო საზოგადოება უკვე ალაპარაკდა ისე, როგორც ჩვენ გვინდოდა, რომ ალაპარაკებულიყო თუნდაც თვეების წინ, მაგრამ, როგორც ჩანს სხვადასხვა ეტაპი უნდა გაგვევლო, რომ აქამდე მოვსულიყავით", - თქვა ნიკა მელიამ.მისი განცხადებით, "ქართულ ოცნებას" მესამე ვადა მიტაცებული აქვს, რაც გიორგი გახარიამ კარგად იცოდა, რის გამოც ვერ გარისკა და გადადგომის გადაწყვეტილება მიიღო. მელიას აზრით, მისი განცხადება შიშით იყო განპირობებული.