დაგუგლეთ და მითხარით გახსნილია თუ არა ევროპის ცნობილი ზამთრის კურორტები - გამყრელიძე
დაავადებათა კონტროლის ეროვნული ცენტრის დირექტორი, ამირან გამყრელიძე ჟურნალისტების კითხვას მთის კურორტების გახსნასთან დაკავშირებით პასუხობს, რომ გაუგებარია რატომ უნდა დაუშვან გამონაკლისი. მან ჟურნალისტებს უთხრა "დაეგუგლთ" სხვა ქვეყნების სამთო კურორტები როგორ ფუნქციონირებენ.
"რატომ უნდა დაიშვას გამონაკლისი? ევროპაში ჩემზე კარგად მოგეხსენეებათ ყველაზე კარგად ცნობილი მთის კურორტები რომელია? საფრანგეთი, იტალია, ავსტია, ჩეხეთი, შვეიცარია, გერმანია. მითხარით, ნახეთ, დაგუგლეთ და მითხარით, რომელიმე ამ ყველაზე ცნობილ ზამთრის კურორტების ქვეყნებში საბაგირო გახსნილია თუ არა. ერთადერთი გახსნილი ავსტრიაში, მხოლოდ ადგილობრივებისთვის და არა უცხოელი ტურისტებისთვის და ამავე დროს იქ სასტუმროები გახსნილი არ არის რომ ადგილი არ ჰქონდეს დიდ შეკრებებს", - ამბობს ამირან გამყრელიძე.შეგახსენებთ, რომ მთავრობა პირველი თებერვლიდან შეზღუდვების ნაწილს შეამსუბუქებს, თუმცა ის ისევ არ შეეხება სამთო კურორტებსა და საქალაქთაშორისო ტრანსპორტის მოძრაობას. ამ სფეროს წარმომადგენლები კი ამბობენ, რომ მათთვის სეზონი ჩავარდა.