ცვლილებების 4 პუნქტი - ნიკა მელიასა და ენმ-ს შეთავაზება საზოგადოებას
"ნაციონალური მოძრაობა" საზოგადოებას 4 პუნქტიან, მნიშვნელოვანი ცვლილებების დანერგვის შესაძლებლობას სთავაზობს.
განცხადება ამის შესახებ პარტიის ახალმა თავმჯდომარემ, ნიკა მელიამ პარტიის ყრილობაზე გააკეთა და თქვა, რომ წახალისებული იქნება ნებისმიერი საინტერესო პროექტი, რომელიც ქვეყნის განვითარებას ხელს შეუწყობს. მისი თქმით, ცვლილებების მიზანია მეტი დემოკრატიულობის, გახსნილობისა და მეტი ჩართულობის დამკვიდრება.
განცხადება ამის შესახებ პარტიის ახალმა თავმჯდომარემ, ნიკა მელიამ პარტიის ყრილობაზე გააკეთა და თქვა, რომ წახალისებული იქნება ნებისმიერი საინტერესო პროექტი, რომელიც ქვეყნის განვითარებას ხელს შეუწყობს. მისი თქმით, ცვლილებების მიზანია მეტი დემოკრატიულობის, გახსნილობისა და მეტი ჩართულობის დამკვიდრება.
ნაციონალურმა მოძრაობამ პარტიის თავმჯდომარედ ნიკა მელია ოფიციალურად დაამტკიცა. მთავარმა ოპოზიციურმა პარტიამ ცენტრალურ ოფისში დღეს ყრილობა გამართა და ელექტრონული წესით არჩეული თავმჯდომარე ოფიციალურად დაამტკიცა.
- პირველი - ჩვენი ოფისები გახდება ადგილი, სადაც ადამიანს შეუძლია იდეით მოვიდეს, იმუშაოს მის განვითარებაზე, და ჩვენი მხარდაჭერა მიიღოს.
- მეორე - წახალისებული და მხარდაჭერილი იქნება ნებისმიერი საინტერესო პროექტი, რომელიც ხელს შეუწყობს ჩვენს ქვეყანაში დემოკრატიის, სოციალურ-პოლიტიკური თანასწორობას, კანონის უზენაესობისა და ეკონომიკის განვითარებას.
- მესამე - "ნაციონალური მოძრაობის" ოფისები არა პარტიული ბიუროკრატიული ოფისების ნაწილად ჩამოყალიბდება, არამედ მოქალაქეთა მხარდაჭერის ცენტრებად.
- მეოთხე - თქვენი ჩართულობისა და გაძლიერების მიზნით, "ნაციონალური მოძრაობა" ხალხის მიერ დაფინანსებით, საჯარო მონაწილეობის მოდელზე გადადის. თითოეულ თქვენგანს, ვისაც სურვილი გაქვთ, შეგიძლიათ "ნაციონალური მოძრაობის" დელეგატი, წარმომადგენელი გახდეთ. სიმბოლური შენატანით. საქართველო ქართველ ხალს ეკუთნის და თქვენ უნდა გადაწყვიტოთ, რას სჭირდება მას" - თქვა მელიამ