საფრანგეთის პრეზიდენტი, ემანუელ მაკრონი ამბობს, რომ თუ რუსეთს მიეცემა ომის მოგების უფლება უკრაინაში, ის შესაძლოა დაემუქროს სხვა ყოფილ საბჭოთა ქვეყნებს, როგორიცაა საქართველო და ყაზახეთი. ამ თემაზე მან BBC-სთან ინტერვიუში ისაუბრა. 

"რადგან, რა თქმა უნდა, ეს არის იმპერიალიზმი და კოლონიალიზმი, რასაც რუსეთი აკეთებს [უკრაინაში]", - თქვა მან.

მისი თქმით, რუსეთის გამარჯვების შემთხვევაში გვექნება "ახალი იმპერიული ძალა" ევროპაში.  
საფრანგეთის პრეზიდენტმა თქვა, რომ მისი ქვეყნის და ყველა ქვეყნის "ვალია" მხარი დაუჭირონ უკრაინას. მაკრონის აზრითვე, შემდეგი თვე იქნება კრიტიკული, რადგან უკრაინა ცდილობს დაიბრუნოს დაკარგული მიწები კონტრშეტევითი ოპერაციებით.