საქართველოში სულ უფრო იზრდება რუსული რბილი ძალის საფრთხე. ჩამონათვალს შეიძლება ითქვას, რომ ე.წ. რუსული სკოლებიც დაემატა, სადაც არავინ იცის რას ასწავლიან, მათ შორის რუსეთ-საქართველოს ურთიერთობებზე, რუსეთ-საქართველოს ომსა და ოკუპირებულ ტერიტორიებზე.
ირკვევა, რომ საქართველოში რამდენიმე საგანმანათლებლო დაწესებულებაა, რომლებსაც რუსეთის განათლების სამინისტროს ავტორიზაცია აქვთ და მოსწავლეებს რუსული პროგრამით ასწავლიან. ეს ცენტრები საქართველოში ძირითადად, როგორც შპს ფუძნდებიან, თუმცა არავინ იცის, ამის შემდეგ რას საქმიანობენ. ხშირ შემთხვევაში საჭიროდ არ მიიჩნევენ საქართველოს საგანმანათლებლო კანონმდებლობის შესაბამისად აიღონ ნებართვა.
რამდენიმე ასეთი ცენტრის შესახებ იციან სახელმწიფო უწყებებმაც, გამოძიებაც დაწყებულია, მაგრამ უშედეგოდ. ისინი საქმიანობას ისევ აგრძელებენ, უკვე ერთი წელია. საქართველოს კანონმდებლობით ეფექტური რეაგირების ბერკეტი არ არსებობს. არაავტორიზებული რუსული სკოლების საქმიანობა სახელმწიფოს კონტროლს მიღმაა დარჩენილი.
ავტორი: ნანუკა მაღლაკელიძე.