უკრაინის მხარდაჭერა უნდა გაგრძელდეს, რადგან შეერთებულმა შტატებმა, შესაძლოა, შეამციროს დახმარება
ევროკავშირის უმაღლესი წარმომადგენელი, ჯოზეფ ბორელი ამბობს, რომ შესაძლოა აშშ-ის მხრიდან უკრაინის დახმარება შემცირდეს, ამიტომ ევროკავშირის ქვეყნები პოლიტიკურად მზად უნდა იყვნენ ამ ფონზე უკრაინის მხარდასაჭერად.
"ჩვენ გვაქვს ბევრი პრობლემა, რომელიც გამოსცდის ევროკავშირს. უპირველეს ყოვლისა, უკრაინა, სადაც რუსეთზე გამარჯვების პერსპექტივა არ არის მყისიერი. ჩვენ, ევროპელები, რომლებსაც ამის საშუალება გვაქვს, უნდა ვიყოთ მზად, პოლიტიკურად რომ ვთქვათ, გავაგრძელოთ უკრაინის დახმარება, იმის გათვალისწინებით, რომ აშშ-ს მხარდაჭერა სავარაუდოდ შემცირდება", - თქვა ბორელმა.ცნობისთვის, აშშ-ის კონგრესს ჯერ კიდევ არ მიუღია გადაწყვეტილება უკრაინის მხარდაჭერისთვის გამოსაყოფ მილიარდობით დოლარის შესახებ. დაფინანსების შეფერხებამ აიძულა შეერთებული შტატები დაეწყო კიევისთვის სამხედრო დახმარების ნაკადის შეზღუდვა, რადგან პენტაგონს მხოლოდ $1 მილიარდი აქვს დარჩენილი იარაღის მარაგის შესავსებად.