რუსეთი ამბობს, რომ ოდესასა და მიკოლაევზე სარაკეტო იერიში ყირიმის ხიდზე თავდასხმაზე საპასუხო იყო
რუსეთის თავდაცვის სამინისტრომ განაცხადა, რომ მოსკოვმა ღამით უკრაინის საპორტო ქალაქ ოდესაში, ასევე მიკოლაევში უპილოტო საფრენი აპარატებისა და რაკეტების ნაკადი გაუშვა ყირიმის ხიდზე კიევის თავდასხმაზე საპასუხოდ.
უკრაინის საჰაერო ძალებმა განაცხადეს, რომ ოდესაში გაშვებული ექვსივე რუსული ფრთოსანი რაკეტა "კალიბრი" და ასევე ირანული "შაჰიდის" დრონების "აბსოლუტური უმრავლესობა" გაანადგურეს. უკრაინული მხარის ცნობითვე, ჩამოგდებული რაკეტების ფრაგმენტებმა ხანძარი გამოიწვია, დაზიანდა პორტის ინფრასტრუქტურა, კერძო სახლები, დაშავდა ერთი ადამიანი.
"დღეს ღამით რუსეთის ფედერაციის შეიარაღებულმა ძალებმა განახორციელეს ჯგუფური საპასუხო დარტყმა ზუსტი საზღვაო იარაღით იმ ობიექტებზე, სადაც მზადდებოდა ტერორისტული აქტები რუსეთის ფედერაციის წინააღმდეგ", - ნათქვამია სამინისტროს განცხადებაში.უწყების მტკიცებით, დარტყმის შედეგად განადგურდა საწვავის საწყობები, რომელთა საერთო მოცულობა დაახლოებით 70 ათასი ტონაა, საიდანაც უკრაინის შეიარაღებული ძალების სამხედრო ტექნიკა უზრუნველყოფილი იყო საწვავით.
უკრაინის საჰაერო ძალებმა განაცხადეს, რომ ოდესაში გაშვებული ექვსივე რუსული ფრთოსანი რაკეტა "კალიბრი" და ასევე ირანული "შაჰიდის" დრონების "აბსოლუტური უმრავლესობა" გაანადგურეს. უკრაინული მხარის ცნობითვე, ჩამოგდებული რაკეტების ფრაგმენტებმა ხანძარი გამოიწვია, დაზიანდა პორტის ინფრასტრუქტურა, კერძო სახლები, დაშავდა ერთი ადამიანი.