საქართველოს მესამე პრეზიდენტი, მიხეილ სააკაშვილი მორიგ განცხადებას ავრცელებს და "ქართული ოცნების" ლიდერებს პასუხობს. ის ამბობს, რომ უკრაინის იუსტიციის სამინისტრომ მოითხოვა მისი ექსტრადიციის პროცედურის დაწყება 4 თვის წინ.

"ამათთვის ტყუილების ლაპარაკი სუნთქვასავითაა. გუშინ თქვეს რომ თურმე უკრაინას არ აქვს მოთხოვნილი ჩემი გადაცემა.
უკრაინის იუსტიციის სამინისტრომ მოითხოვა ჩემი ექსტრადიციის პროცედურის დაწყება 4 თვის წინ და ეს დოკუმენტი უკრაინის კონსულმა შემომიტანა მაშინ.
რაც შეეხება ევროკავშირის სამედიცინო მისიას, ამ მისიის დაუყოვნებლივ დაშვებას ითხოვს ევროკომისია, ჩემი ოჯახი და რამდენიმე წამყვანი ქვეყნის მთავრობა უმაღლეს დონეზე.
და ის რომ ისინი დღემდე არ შემოუშვეს პირდაპირ ოლიგარქის და მისი მონების საბოტაჟის შედეგია", - წერს მიხეილ სააკაშვილი.