ლგბტ პროპაგანდა მიუღებელია, დროა კანონით დარეგულირებაზე ვიმსჯელოთ - საპატრიარქო
საპატრიარქო პრაიდის კვირეულს ეხმაურება და წერს, რომ დროულია საზოგადოებას მოუწოდონ, "ამ პრობლემის საკანონმდებლო გზით დარეგულირებაზე იმსჯელონ".
გავრცელებულ განცხადებაში საპატრიარქო აღნშნავს, რომ "საქართველოში გაუკუღმართებული ცხოვრების წესის დანერგვის მცდელობა არ წყდება".
განცხადების ტექსტს გთავაზობთ უცვლელად:
გავრცელებულ განცხადებაში საპატრიარქო აღნშნავს, რომ "საქართველოში გაუკუღმართებული ცხოვრების წესის დანერგვის მცდელობა არ წყდება".
განცხადების ტექსტს გთავაზობთ უცვლელად:
"ჩვენს ქვეყანაში გაუკუღმართებული ცხოვრების წესის დანერგვის მცდელობა, სამწუხაროდ, არ წყდება. ამაზე მოწმობს მიმდინარე წლის ივლისში დაანონსებული "ლგბტ კვირეული", რომელსაც, მისი მიზნებიდან გამომდინარე, არ შეიძლება თავისი უარყოფითი გავლენა არ ჰქონდეს თუნდაც დახურულ სივრცეში გამართვის დროს.შეგახსენებთ, ამ შინაარსის გზავნილები 30 ივნისს საქართველოს პრემეირმინისტრს პარლამენტში ჰქონდა. წლიური ანგარიშის წარდგენისას ირაკლი ღარიბაშვილმა თქვა, რომ "ლგბტ პროპაგანდა მიუღებელია" და შეიძლება "აღნიშნული საკითხი საკანონმდებლო დონეზეც მოწესრიგდეს".
მიგვაჩნია, რომ ლგბტ პროპაგანდა დაუშვებელი და მიუღებელია, მით უფრო, ქვეყანაში, რომელსაც მრავალსაუკუნოვანი კულტურა და ქრისტიანული ფესვები აქვს.
პროპაგანდის ნებისმიერი სახით გამოვლინება მოზარდებში კი მათ ცნობიერებაზე ძალადობაა.
საქართველოს მოსახლეობის უდიდესი ნაწილის არაერთგზის გამოთქმული პროტესტის უგულებელყოფა არის მისი უმთავრესი ფასეულობების უპატივცემულობა და მკაფიო გამოხატულება მორალური ზიანის მიყენების მცდელობისა.
ყოველი მსგავსი აქტივობა, გარდა ცოდვის პროპაგანდისა, არის სამოქალაქო დაპირისპირებისა და დაძაბულობის მიზეზი. დასკვნის გამოტანა ადვილია, თუ დავაკვირდებით დაანონსებული ლგბტ ღონისძიებების კვირეულის განმავლობაში საზოგადოებაში მომატებულ პოლარიზაციას.
მიგვაჩნია, რომ საჭიროა მსგავსი დაძაბულობის ფაქტორების საწყის ეტაპზევე მკურნალობა.
საქართველოს მართლმადიდებელი ეკლესია უკანასკნელ წლებში გამუდმებული თავდასხმის, ცილისწამებისა და შეურაცხმყოფელი კამპანიის ობიექტია, თუმცა არც ერთხელ არ ყოფილა ჩვენი მხრიდან მოთმინების დაკარგვის შემთხვევა. ასეთ დროს ეკლესია მუდამ შემოიფარგლება მხოლოდ ცილისწამების მხილებით.
ეკლესია არასდროს მოუწოდებს ძალადობისკენ, პირიქით, მოსახლეობაში სიმშვიდის შენარჩუნებისთვის ზრუნავს. ამიტომ დღეს შეიძლება განსაკუთრებულად დროული იყოს მოწოდება საზოგადოებისადმი, გვემსჯელა საკანონმდებლო გზით ზემოაღნიშნული პრობლემის დარეგულირების შესახებ," - აცხადებს საპატრიარქო.