უკრაინის შეიარაღებული ძალების მთავარსარდალმა ვალერი ზალუჟნმა, გენერალური შტაბის უფროსთან სერგეი შაპტალასთან ერთად სამუშაოები "ჩრდილოეთის" ოპერატიული სარდლობის ჯარების საკონტროლო პუნქტებში ჩაატარა.

"ჩვენი სამხედროები არ კარგავენ სიფხიზლეს, ახორციელებენ დაზვერვას და მუდმივად მუშაობენ თავდაცვისუნარიანობის ამაღლებაზე.ჩვენ თვალყურს ვადევნებთ მტერს ჩრდილოეთში, მზად ვართ ღირსეული ბრძოლისთვის"- ამბობს ზალუჟნი.

გარდა ამისა, ზალუჟნის თქმით, უკრაინის ჩრდილოეთ საზღვრებზე, მტერი აგრძელებს სისტემატიურ საარტილერიო დაბომბვას ჩერნიგოვისა და სუმის  რეგიონებზე და იყენებს დივერსიულ-სადაზვერვო ჯგუფებს.