ომის კვლევის ინსტიტუტი (ISW) წერს, რომ რუსეთში ხელისუფლების სხვადასხვა დონეები ერთმანეთთან კოორდინაციაში არ არიან და არ იციან, როგორ უპასუხონ ბელგოროდში განვითარებულ მოვლენებს.
ექსპერტები წერენ, რომ რუსეთის თავდაცვის სამინისტრო და ბელგოროდის ოლქის გუბერნატორი ურთიერთგამომრიცხავ განცხადებებს ავრცელებენ, რაც იმაზე მიუთითებს, რომ ისინი ერთმანეთთან კოორდინაციაში არ არიან.
კერძოდ, ISW-ის ინფორმაციით, ბელგოროდის ოლქის გუბერნატორმა ვიაჩესლავ გლადკოვმა დაადასტურა, რომ მიმდინარეობდა ნოვაია ტავოლჟანკას შიგნით ბრძოლები მიმდინარეობს, თუმცა რუსეთის თავდაცვის სამინისტრომ განაცხადა, რომ დასავლეთის სამხედრო ოლქის და რუსეთის სასაზღვრო სამსახურის ქვედანაყოფებმა დასახლების მახლობლად დაარტყეს უკრაინულ დივერსიულ და სადაზვერვო ჯგუფს და უკან დახევა აიძულეს.

"რუსული ურთიერთსაწინააღმდეგო პასუხები და ცნობები ბელგოროდის რეგიონში შეზღუდული დარბევის შესახებ კვლავ მიუთითებს იმაზე, რომ რუსეთის ხელმძღვანელობას ჯერ არ გადაუწყვეტია როგორ უპასუხოს ამ შეზღუდულ ტრანსსასაზღვრო რეიდებს", - ნათქვამია ISW-ის ანგარიშში.