რუსეთის ყოფილმა ვიცე-პრემიერმა და  „როსკოსმოსის“ ყოფილმა ხელმძღვანელმა დიმიტრი როგოზინმა, ზურგიდან ამოღებული ჭურვის ნამსხვრევი, რომლითაც დაჭრა, რუსეთში საფრანგეთის ელჩს გაუგზავნა. ის ითხოვს, ტყვიის ფრაგმენტი პრეზიდენტ მაკრონს გადასცე.
როგოზინი ფიქრობს, რომ ის სავარაუდოდ, ფრანგული Caesar-ის ტიპის თვითმავალი ჰაუბიცის ჭურვით დაიჭრა:

„გთხოვთ, საფრანგეთის პრეზიდენტს ემანუელ მაკრონს გადასცეთ ჩემი ხერხემლიდან ქირურგების მიერ ამოღებული ფრაგმენტი. და ასევე უთხარით მას, რომ ვერავინ გაექცევა პასუხისმგებლობას დონბასში საფრანგეთის, შეერთებული შტატების, დიდი ბრიტანეთის, გერმანიისა და ნატოს სხვა ქვეყნების სამხედრო დანაშაულებზე.
ყველა ჩვენი მსხვერპლი თქვენს სინდისზეა, ისევე როგორც ფაშისტური უკრაინის გამოჩენა ევროპის რუკაზე თქვენს სინდისზეა" აცხადებს როგოზინი.

როგოზინი 21 დეკემბერს, ოკუპირებულ დონეცკში, დაიჭრა. მას მოსკოვის მახლობლად მდებარე საავადმყოფოში ოპერაცია ჩაუტარეს.