ბახმუტთან ვითარება უკიდურესად დაძაბულია – კირილენკო
უკრაინაში, ბახმუტთან ვითარება უკიდურესად დაძაბულია,- იუწყება უკრაინული მედია დონეცკის რეგიონალური სამხედრო ადმინისტრაციის თავმჯდომარეზე პაველ კირილენკოზე დაყრდნობით.
"ბახმუტის ირგვლივ ვითარება უკიდურესად დაძაბულია. მტერი პოზიციის გავლას ვერ ახერხებს. სადღაც ჰქონდა გარკვეული წინსვლა, მაგრამ დღევანდელი მდგომარეობით, უკან დააბრუნეს – უწინდელ პოზიციებზე. თითქმის ყოველდღიურად ფიქსირდება მტრის უამრავი დანაკარგი", - განაცხადა მან.
მედიის ცნობით, დონეცკის რეგიონის ფრონტის მთელ ხაზზე დაბომბვა გრძელდება. უკრაინის არმიის ნაწილებმა სამხრეთის მიმართულებაზე რუსეთის საოკუპაციო ძალების საბრძოლო მასალების ორი საცავი გაანადგურეს. განადგურებულია რუსული საარტილერიო სისტემები, საბრძოლო მანქანები და ტანკები.
ბოლო დღე-ღამის განმავლობაში უკრაინელებმა 15 ირანული კამიკაძე უპილოტო თვითმფრინავი ჩამოაგდეს, რომლებიც რუსეთის საოკუპაციო ძალებმა უკრაინის სამოქალაქო ინფრასტრუქტურის განადგურების მიზნით გაუშვეს.
სამხედრო ექსპერტ რომან სვიტანის შეფასებით, რუსი სამხედროების მიზანი წყალსაცავია, რომელიც ბახმუტთან მდებარეობს.
„ბახმუტზე შეტევას ახოციელებენ „ვაგნერის“ დაქირავებულები. ეს ერთ–ერთი მიმართულებაა ორიდან, სადაც რუსები შეტევითი ოპერაციის განხორციელებას ცდილობენ. „ვაგნერის“ ამოცანაა, გავიდეს წყალსაცავზე, რომელიც ბახმუტს მიღმაა განთავსებული, რადგან ჩვენი ინფორმაციით, დონეცკის წყალსაცავი დაზიანებულია, ამიტომ, წყალი სჭირდებათ. ამდენად, ეს ამოცანა დაუსახეს „ვაგნერის“ მებრძოლებს, რომელთანაც გამკლავება მათ ბოლო რამდენიმე თვეა, ვერ შეძლეს და ვერც გაუმკლავდებიან: ამ ამოცანის შესასრულებლად იქ რუსი სამხედროების საკმარისი რაოდენობაა არაა; გეოგრაფიული მდებარეობაც სპეციფიურია. ამდენად, ბახმუტი წარმოადგენს დაბრკოლებას რუსებისთვის. ამასთან, ბოლო პერიოდში უკრაინის არმიამ დამატებითი ნაწილები გადაისროლა ამ მიმართულებით, იქ ასევე მუშაობს არტილერია. ჩვენი მებრძოლები ცდილობენ ლისიჩანსკის აღებასაც. ამ ამოცანის შესრულების შემდეგ, ვაგნერელებს, რომლებიც ზეწოლას ახორციელებენ ბახმუტზე, მოუწევთ ვითარების გადაფასება. ვფიქრობ, ეს საკითხი რამდენიმე კვირაში გადაწყდება“,– განმარტავს სამხედრო ექსპერტი.
"ბახმუტის ირგვლივ ვითარება უკიდურესად დაძაბულია. მტერი პოზიციის გავლას ვერ ახერხებს. სადღაც ჰქონდა გარკვეული წინსვლა, მაგრამ დღევანდელი მდგომარეობით, უკან დააბრუნეს – უწინდელ პოზიციებზე. თითქმის ყოველდღიურად ფიქსირდება მტრის უამრავი დანაკარგი", - განაცხადა მან.
მედიის ცნობით, დონეცკის რეგიონის ფრონტის მთელ ხაზზე დაბომბვა გრძელდება. უკრაინის არმიის ნაწილებმა სამხრეთის მიმართულებაზე რუსეთის საოკუპაციო ძალების საბრძოლო მასალების ორი საცავი გაანადგურეს. განადგურებულია რუსული საარტილერიო სისტემები, საბრძოლო მანქანები და ტანკები.
ბოლო დღე-ღამის განმავლობაში უკრაინელებმა 15 ირანული კამიკაძე უპილოტო თვითმფრინავი ჩამოაგდეს, რომლებიც რუსეთის საოკუპაციო ძალებმა უკრაინის სამოქალაქო ინფრასტრუქტურის განადგურების მიზნით გაუშვეს.
სამხედრო ექსპერტ რომან სვიტანის შეფასებით, რუსი სამხედროების მიზანი წყალსაცავია, რომელიც ბახმუტთან მდებარეობს.
„ბახმუტზე შეტევას ახოციელებენ „ვაგნერის“ დაქირავებულები. ეს ერთ–ერთი მიმართულებაა ორიდან, სადაც რუსები შეტევითი ოპერაციის განხორციელებას ცდილობენ. „ვაგნერის“ ამოცანაა, გავიდეს წყალსაცავზე, რომელიც ბახმუტს მიღმაა განთავსებული, რადგან ჩვენი ინფორმაციით, დონეცკის წყალსაცავი დაზიანებულია, ამიტომ, წყალი სჭირდებათ. ამდენად, ეს ამოცანა დაუსახეს „ვაგნერის“ მებრძოლებს, რომელთანაც გამკლავება მათ ბოლო რამდენიმე თვეა, ვერ შეძლეს და ვერც გაუმკლავდებიან: ამ ამოცანის შესასრულებლად იქ რუსი სამხედროების საკმარისი რაოდენობაა არაა; გეოგრაფიული მდებარეობაც სპეციფიურია. ამდენად, ბახმუტი წარმოადგენს დაბრკოლებას რუსებისთვის. ამასთან, ბოლო პერიოდში უკრაინის არმიამ დამატებითი ნაწილები გადაისროლა ამ მიმართულებით, იქ ასევე მუშაობს არტილერია. ჩვენი მებრძოლები ცდილობენ ლისიჩანსკის აღებასაც. ამ ამოცანის შესრულების შემდეგ, ვაგნერელებს, რომლებიც ზეწოლას ახორციელებენ ბახმუტზე, მოუწევთ ვითარების გადაფასება. ვფიქრობ, ეს საკითხი რამდენიმე კვირაში გადაწყდება“,– განმარტავს სამხედრო ექსპერტი.