იუსტიციის უმაღლესმა საბჭომ თბილისის სააპელაციო სასამართლოს თავმჯდომარის პოსტზე კიდევ 5 წლის ვადით მიხეილ ჩინჩალაძე აირჩია. საბჭოს ჩინჩალაძის გარდა ამ თანამდებობაზე სხვა კანდიდატურა არ განუხილავს.
მიხეილ ჩინჩალაძის დანიშვნას ეწინააღმდეგებოდნენ არასამთავრობო ორგანიზაციები და მოუწოდებდნენ იუსტიციის უმაღლეს საბჭოს არ დაემტკიცებინა მისი კანდიდატურა, რამდენადაც მათი განცხადებით, ჩინჩალაძე ერთ-ერთია სასამართლო სისტემაში მყოფ გავლენიან პირებს შორის, რომელთაც  კლანად მოიხსენიებენ.
შესაბამისად, NGO-ები მიიჩნევდნენ, რომ აღნიშნული გადაწყვეტილება ამ გავლენიან ჯგუფს კიდევ უფრო გააძლიერებდოდა.
სხდომას ესწრებოდა იუსტიციის უმაღლესი საბჭოს ყოფილი არამოსამართლე წევრი ნაზი ჯანეზაშვილი. მისი თქმით, საბჭოს წევრების უმრავლესობამ ჩინჩალაძის კანდიდატურის მხარდამჭერი განცხადებები გააკეთა და ალტერნატიული აზრი დარბაზში არ გაჟღერებულა.