რუსმა სამხედროებმა სარაკეტო შეტევა მიიტანეს პოლტავის ოლქში სამოქალაქო ობიექტზე, არიან დაშავებულები. ამის შესახებ ტელეგრამ არხზე პოლტავის ოლქის სამხედრო ადმინისტრაციის უფროსი, დმიტრი ლუნინი წერს. პოლიტოლოგი და ჟურნალისტი იური რომანენკო ამბობს, რომ რუსული რაკეტა კრემენჩუგში ადგილობრივ სავაჭრო ცენტრს მოხვდა. ტელეგრამ არხებზე გაჩნდა ინფორმაცია, რომ რაკეტა საცხოვრებელ კომპლექსს მოხვდა.
“სავარაუდოდ ეს არის ყველაზე დიდი ტრაგედია ომის დაწყების შემდეგ“– წერენ ტელეგრამ არხებზე, სადაც იუწყებიან, რომ რაკეტები დიდი რაოდენობით ხალხის თავშეყრის ადგილებში ჩამოვარდა. სავაჭრო ცენტრი იწვის, მაშველები ცეცხლს აქრობენ, მსხვერპლის რაოდენობა წარმოუდგენელია. არანაირი სტრატეგიული ღირებულება. მხოლოდ ადამიანების მცდელობა იცხოვრონ ნორმალური ცხოვრებით, რაც ასე აცოფებს ოკუპანტებს.
რუსეთი აგრძელებს თავის უძლურებას რიგითი მოქალაქეების მიმართ. მისი მხრიდან ადეკვატურობისა და ჰუმანურობის იმედი აზრი არ აქვს.
მსხვერპლის შესახებ ინფორმაცია ზუსტდება.
სოციალურ ქსელებში წერენ, რომ ახლა ერთადერთი იმედი ექიმები და მაშველები არიან. ხალხი რუსებს ტერორისტებს უწოდებს. თვითმხილველები ხვდებიან, რომ სავაჭრო ცენტრთან, სადაც რაკეტა ჩამოვარდა, ბევრი სასწრაფო დახმარების მანქანაა თავმოყრილი. შენობაში ძლიერი ხანძარი დაიწყო.