უბრალოდ ვა-ბანკზე წავიდნენ, გადაწყვიტეს, რომ მოასუფთაონ, ქვეყანაში აღარ დატოვონ დამოუკიდებელი არასამთავრობო ორგანიზაციები და არჩევნები აქციონ ფორმალობად, როგორც ეს არის რუსეთში. სხვა ახსნა ამას არ აქვს , - ამის შესახებ “გირჩი - მეტი თავისუფლების” ლიდერმა, ზურა ჯაფარიძემ განაცხადა.
მისივე თქმით, “ქართული ოცნების” მიზანია, რომ 2030 წელს დაგეგმილ ევროკავშირის გაფართოების გეგმაში საქართველო ვერ მოხვდეს.
“რომელი კომიტეტი განიხილავს ამას, არა მგონია, რაიმე არსებითი მნიშვნელობა ჰქონდეს. საფრთხე არის ძალიან კონკრეტული - 2030 წელს დაგეგმილია ევროკავშირის გაფართოება და ჩვენ გვაქვს შანსი, მოვხვდეთ გაფართოებაში. ამისთვის საჭიროა ქვეყანაში რეფორმების გატარება, რომელზეც გველაპარაკებიან დასავლეთიდან: ეს არის მართლმსაჯულების რეფორმა; საარჩევნო სისტემაში რეფორმები; კორუფციასთან ბრძოლა და დეოლიგარქიზაცია. ამ რეფორმების გატარება ამათთვის, რუსები რომ გვყავს ხელისუფლებაში, ნიშნავს ძალაუფლების დაკარგვას. ისინი უბრალოდ ვა-ბანკზე წავიდნენ, გადაწყვიტეს, რომ მოასუფთაონ, ქვეყანაში აღარ დატოვონ დამოუკიდებელი არასამთავრობო ორგანიზაციები და არჩევნები აქციონ ფორმალობად, როგორც ეს არის რუსეთში. სხვა ახსნა ამას არ აქვს. ვერავინ ვერ იტყვის სხვა რა მიზეზის გამო შეიძლება შემოეტრიალებინათ კანონპროექტი პარლამენტში, მაშინ, როცა შარშან მიიღეს ის, რაც მიიღეს. ჯერ ქუჩაში და შემდეგ არჩევნებზე უნდა დასრულდნენ ესენი. სხვა გზა არ არის, ესენი გონზე ვერ მოეგებიან”, - განაცხადა ჯაფარიძემ.