„ჰამასის“ ლიდერების დევნას როგორც ღაზაში, ისე მთელ მსოფლიოში გავაგრძელებთ, - ამის შესახებ ისრაელის ომის კაბინეტის წევრმა და თავდაცვის ყოფილმა მინისტრმა, ბენი განცმა განაცხადა.
„ჩვენ იქამდე მივაღწევთ, სადამდეც საჭირო იქნება, რათა ბავშვების მკვლელები გავანადგუროთ, მიწის ზემოთ თუ ქვემოთ, როგორც ღაზაში, ისე მთელ მსოფლიოში. ჩვენ მივაღწევთ, როგორც მათი მთავრობის მეთაურებამდე, ისე მთავრობის ცენტრებამდე“, - განაცხადა განცმა.
ბენი გაცმა აღნიშნა, რომ ისრაელის თავდაცვის ძალების ჯარისკაცები ამჟამად ღაზას უმსხვილესი საავადმყოფოს, ალ-შიფას ნაწილში მოქმედებენ.
„ისრაელის თავდაცვის ძალების ჯარისკაცები ოპერაციას ღაზას სიღრმეში, მათ წინააღმდეგ აგრძელებენ, ვინც საავადმყოფოები სამეთაურო ცენტრებად გადააკეთეს და საიდანაც ომის დანაშაულებს ჩადიან“, - აღნიშნა ისრაელის თავდაცვის ყოფილმა მინისტრმა.