„ერთი წელიც რომ დასჭირდეს, ისრაელმა მისია უნდა დაასრულოს“, - ამბობს ისრაელის თავდაცვის მინისტრი ჯარისკაცებთან შეხვედრის შემდეგ. იოავ გალანტის თქმით, არმიაში ეს განწყობაა და ისრაელის სამხედროები მზად არიან ბრძოლისთვის იქამდე, სადამდეც ეს საჭირო იქნება. 
გალანტი ამბობს, რომ ისრაელის ძალები ღაზაში ტერორისტებთან მძიმე ბრძოლებში არიან, თავს ესხმიან ღაზას სამხრეთიდან და ჩრდილოეთიდან და შედიან ქალაქში- "IDF ებრძვის ტერორისტებს სამეთაურო პუნქტებში და გვირაბებში და ანადგურებს ბუნკერებს, გვირაბებს და სხვა ობიექტებს. ჰამასის ბატალიონის თორმეტი მეთაური მოკლეს და ჩვენ მივწვდებით მათ ყველგან -" ამბობს მინისტრი და პირობას დებს -  „ჩვენ მივალთ ჰამასის ღაზას ხელმძღვანელთან, იაჰია სინვართან და გავანადგურებთ".
გალანტის განცხადებითვე, ისრაელს არ აქვს "ჰეზბოლასთან" ომის ინტერესი,  მაგრამ ხაზს უსვამს, რომ თუ მისი ლიდერი ჰასან ნასრალა "დაუშვებს შეცდომას" და გადაწყვეტს ომში ჩართვას, "ის გადაწყვეტს ლიბანის ბედს".
 „ომის ბოლოს ღაზაში ჰამასი არ იქნება. ისრაელი და აშშ კოორდინირებული არიან ამაზე" - ამბობს ისრაელის თავდაცვის მინისტრი.