ძალიან ჩამჭრელი შეკითხვაა, არ ვიცი როგორ გიპასუხოთ - ღარიბაშვილი ლავროვის განცხადებასთან დაკავშირებით, კრიტიკული მედიის შეკითხვას ცინიზმით პასუხობს.
კითხვაზე, იტყუება თუ არა ლავროვი როდესაც ამბობს, რომ ღარიბაშვილის ხელისუფლებასთან ფრენების აღდგენაზე  მოლაპარაკებებს მართავდა, პრემიერი ამბობს:

ძალიან მარტივად არის საქმე. მაგას პატარა ბავშვი მიხვდება. მანამდე რუსეთის პრეზიდენტმა თქვა რომ ეს იყო მისი ერთპიროვნული გადაწყვეტილება., უვიზო რეჟიმის და ფრენების აღდგენა. დღეს რაც თქვა ბატონმა ლავროვმა, ეს არის ფაქტის კონსტატაცია. რა თქმა უნდა მოხდა გაფორმება შეთანხმების საქართველოს მთავრობასთან. ეკონომიკის სამინისტროს საავიაციო სააგენტო ბუნებრივია თანხმობას აძლევს შესაბამის უწყებას და შესაბამის კომპანიებს, რუსულ კომპანიებს. ამ შეთანხმებაზეა საუბარი და რა არის ამაში გაუგებარი? რა სკანდალი ნახეთ ამაში? რა აღმოაჩინეთ? " ამბობს ღარიბაშვილი.

მისივე მტკიცებით, რუსეთთან ფრენების აღდგენაზე არანაირი "ფორმალური მოლაპარაკებები" არ გამართულა.
კითხვაზე, მონაწილეობდა თუ არა მოლაპარაკებებში ყოფილი გენერალური პროკურორი ოთარ ფარცხალაძე, ღარიბაშვილი პასუხობს:

„არავითარი რაიმე ტიპის ფორმალური მოლაპარაკება და მითუმეტეს, მთავრობის სახელით არ გამართულა, ეს იყო რუსეთის ხელისუფლების გადაწყვეტილება, რომელიც შემდეგ ჩვენმა მთავრობამ დაამოწმა, მოიწონა და გააფორმა შეთანხმება“,  განაცხადა ღარიბაშვილმა.