საქართველოს, თურქეთსა და რუსეთს შორის საბორნე მიმოსვლა დაიწყება - TASS
რუსული სახელმწიფო მედია წერს, რომ საქართველოს, თურქეთსა და რუსეთს შორის საბორნე მიმოსვლა დაიწყება. ჟურნალისტებს ამ თემაზე რუსეთის სავაჭრო-სამრეწველო პალატის (CCI) ვიცე-პრეზიდენტმა ვლადიმერ პადალკომ განუცხადა რუსულ-ქართული ბიზნეს საბჭოს შეხვედრის შემდეგ.
"ვისაუბრეთ თურქეთ-საქართველო-რუსეთის საბორნე მომსახურებაზე საზღვაო სფეროში. ახლა 150 მანქანაზე და 300 მგზავრზე გათვლილი ბორანი ამოქმედდება, რომელიც თითქმის მთელი წლის განმავლობაში იმუშავებს", - თქვა პადალკომ.მისივე განცხადებით, შეხვედრაზე განიხილეს საქართველოსა და რუსეთ შორის სარკინიგზო მიმოსვლის აღდგენის საკითხი.
"თუ მოვახერხეთ სარკინიგზო კავშირის აღდგენა, როგორ წავა ის ახალი მარშრუტებით, რომლებსაც ინგუშეთი გვთავაზობს? ან აღვადგენთ ძველ მარშრუტს აფხაზეთის გავლით, რაც გარღვევის მომენტი იქნება", - თქვა სავაჭრო-სამრეწველო პალატის ვიცე-პრეზიდენტმა.