ყირიმის ხიდზე, სადაც შაბათს მოძრაობა რამდენჯერმე შეწყდა საცობია. ინფორმაციას "ტელეგრამ" არხი ავრცელებს, რომელიც პერიოდულად აქვეყნებს ოპერატიულ ინფორმაციას ქერჩის სრუტის გავლით გზაზე არსებულ სიტუაციაზე.
ირკვევა, რომ ადგილობრივი დროით 17:00 საათისთვის ტამანიდან ინსპექტირების პუნქტის წინ რიგში 561 მანქანა დგას, საცობში ლოდინის დრო კი დაახლოებით ორი საათია.
ქერჩიდან რიგში 711 მანქანაა, ლოდინის დრო ორ საათზე მეტია, ნათქვამია მოხსენებაში.
მანამდე ანექსირებული ყირიმის რუსეთის მიერ დანიშნულმა ხელმძღვანელმა, სერგეი აქსიონოვმა განაცხადა, რომ საჰაერო თავდაცვის სისტემამ სამი რაკეტა ჩამოაგდო ქერჩის სრუტის მიდამოში.