NATO-ს გენერალური მდივანი, იენს სტოლტენბერგო ვოლოდიმირ ზელენსკის მოთხოვნით ახლად შექმნილ NATO-უკრაინის საბჭოს სხდომას იწვევს. განცხადება ალიანსის სპიკერმა ოანა ლუნგესკუმ გააკეთა. 
შეხვედრა ელჩების დონეზე ოთხშაბათს, 26 ივლისს ჩატარდება და მთავარი თემა უკრაინაში განვითარებული "ბოლო მოვლენები და შავი ზღვის გავლით მარცვლეულის ტრანსპორტირება" იქნება. 
ვოლოდიმირ ზელენსკიმ თქვა, რომ უკრაინა გაანადგურებს რუსულ გემებს, თუ რუსეთის ფედერაცია გადაწყვეტს თავდასხმას სამოქალაქო გემებზე.
17 ივლისს რუსეთი მარცვლეულის შეთანხმებიდან გავიდა. თავდაცვის სამინისტრომ განაცხადა, რომ უკრაინული მარცვლეულით დატვირთულ გემებს თავს დაესხმებიან და მათ "იარაღის მატარებლებად" განიხილავენ. საპასუხოდ, უკრაინის თავდაცვის სამინისტრომ განაცხადა, რომ იარაღის მატარებლად განიხილავს ყველა გემს, რომელიც შავი ზღვის რუსულ პორტებში შევა.