პოლონეთში, ქალაქ ბიტომში არასრულწლოვანების მიმართ არასათანადო მოპყრობის, შევიწროების ბრალდებით 4 პირი დააკავეს. სამართალდამცავები ადგილზე შაბათს გამოიძახეს.
პოლონური მედიების ცნობით, ერთ-ერთი დაზარალებულის დედამ დაცვის თანამშრომელი გააფრთხილა, რომ რამდენიმე კაცი მის შვილს არასათანადოდ მოექცა. გავრცელებული ინფორმაციით, 50 წელს გადაციებული კაცი მას შეეხო. კიდევ ერთი მედია წერს, რომ დაცვას, სავარაუდოდ იგივე კაცის შესახებ ინფორმაცია ორმა ბიჭმაც მიაწოდა, რომლებიც ამბობდნენ, რომ შეხებას აუზში თამაშის დრო ჰქონდა ადგილი.
ინტერნეტში გავრცელდა ჩანაწერი, სადაც ჩანს ხალხის ბრბო და პოლიციელები, რომლებსაც დაკავებულები ტერიტორიიდან გაჰყავთ, შეკრებილებმა მათ წრე შემოარტყეს და ბრალდებულების იქვე დასჯას ითხოვდნენ. სამართალდამცველებმა ცრემლსადენი გაზი გამოიყენეს.
პოლიცია ადასტურებს, რომ დაკავებულები უცხოელები არიან, თუმცა მათ ეროვნებას არ ასახელებენ. გამოცემა Bytom.pl თავის მხრივ აცხადებს, რომ ბრალდებულები ქართველები არიან.