უკრაინის შეიარაღებული ძალების გენერალური შტაბი 14 ივლისის მდგომარეობით ფრონტის ხაზზე არსებულ ვითარებასთან დაკავშირებით შემაჯამებელ ინფორმაციას ავრცელებს. გენშტაბის ცნობით, უკრაინელი დამცველები მარინკას მიმართულებით მტრის შეტევებს აკავებენ, მელიტოპოლისა და ბერდიანსკის მიმართულებით კი კონტრშეტევით ოპერაციებს ატარებენ.
გავრცელებულ განცხადებაში გენშტაბი აღნიშნავს, რომ 14 ივლისს ოკუპანტებმა ირანული დრონებით უკრაინაზე მორიგი თავდასხმა განახორციელებს. თავდასხმების შესახებ დამატებითი დეტალები ჯერჯერობით უცნობია.
გარდა ამისა გენშტაბი წერს, რომ ოკუპანტებმა უკრაინის ტერიტორიას "შაჰიდის" 17 დრონითა და საზენიტო მართვადი რაკეტის გამოყენებით შეუტიეს. გენშტაბის თქმით, უკრაინელებმა 16 დრონის განადგურება მოახერხეს.
14 ივლისის განმავლობაში ოკუპანტებმა 50 საჰაერო დარტყმა და 43 შეტევა განახორციელეს სარაკეტო სისტემიდან.
რუსული არმია თავის ძირითად ძალისხმევას კვლავ კუპიანსკის, ლიმანის, ბახმუტისა და მარინკას მიმართულებებით ინარჩუნებს. გენშტაბის ცნობით, ამ მიმართულებით მძიმე ბრძოლები გრძელდება - 14 ივლისს ტერიტორიაზე 32 საბრძოლო შეტაკება მოხდა.