ჩეჩნეთში უცნობი პირები "ნოვაია გაზეტას" ჟურნალისტ ელენა მილაშინას და ადვოკატ ალექსანდრ ნემოვს თავს დაესხნენ.
ჟურნალისტი და უფლებადამცველი ზარემა მუსაევას საქმის სასამართლო პროცესზე მიდიოდნენ. ადვოკატ ალექსანდრ ნემოვი ზარემა მუსაევას იცავს. მუსაევა აქტივისტების, აბუბაქარ და იბრაგიმ იანგულბაევების დედა და ჩეჩნეთის ყოფილი მოსამართლის საიდ იანგულბაევის მეუღლეა.
"ნოვაია გაზეტას" ცნობით, მილაშინა და ნემოვი აეროპორტიდან გროზნოში მიმავალ ავტომობილში ისხდნენ, როცა ნიღბიანმა პირებმა გააჩერეს და სასტიკად სცემეს. გაანადგურეს ტექნიკა და დოკუმენტები. ჟურნალისტს მოტეხილი აქვს თითები, დაუდგინდა თავის ტრავმა. ადვოკატს კი მოძრობა და საუბარი უჭირს.
როგორც მოგვიანებით "წამების წინააღმდეგ გუნდის" თავმჯდომარემ სერგეი ბაბინეცმა განაცხადა, ცემის მიზეზი ადვოკატისა და ჟურნალისტის საქმიანობა იყო.