NATO-ს გენერალური მდივნის თანამდებობას იენს სტოლტენბერგი 2024 წლის 1 ოქტომბრამდე დაიკავეს. ვადის ერთი წლით გახანგრძლივების შესახებ Twitter-ზე თავად სტოლტენბერგი წერს. 

"პატივია NATO-ს მოკავშირეების გადაწყვეტილება, გავაგრძელო ჩემი ვადა გენერალური მდივნის თანამდებობაზე 2024 წლის პირველ ოქტომბრამდე. ევროპასა და ჩრდილოეთ ამერიკას შორის ტრანსატლანტიკური კავშირი უზრუნველყოფს ჩვენს თავისუფლებას და უსაფრთხოებას თითქმის 75 წლის განმავლობაში და უფრო საშიშ სამყაროში ჩვენი ალიანსი უფრო მნიშვნელოვანია, ვიდრე ოდესმე," - აცხადებს სტოლტენბერგი.

შეგახსენებთ, იენს სტოლტენბერგი NATO-ს გენერალური მდივნის პოსტს 2014 წლის ოქტომბრიდან იკავებს და თანამდებობას 2023 წლის სექტემბერში ტოვებდა. მას ვადა ერთხელ უკვე გაუხანგრძლივდა რუსეთის უკრაინაში შეჭრის შემდეგ.
თებერვალში ის ამბობდა, რომ მანდატის გაგრძელებას არ მოითხოვდა. თუმცა, როგორც Reuters წერს, ალიანსის წევრებმა სტოლტენბერგს დარჩენა სთხოვეს, რადგან მემკვიდრის შერჩევისას კონსენსუსს ვერ მიაღწიეს.

გავრცელებული ინფორმაციით, პოტენციურ მემკვიდრედ ისინი დანიის პრემიერ მეტე ფრედერიკსენს, ბრიტანეთის თავდაცვის მინისტრ ბენ უოლესა და ესპანეთის პრემიერ პედრო სანჩესს განიხილავდნენ.