კამპანია რომ მოვწამლეთ, ვაწამეთ, რატომ აღარ ამბობთ ამაზე არაფერს, გადარჩა სააკაშვილი, თუ აღდგა - ღარიბაშვილი ენმ-ს
პრემიერმინისტრმა, ირაკლი ღარიბაშვილმა პარლამენტში ანგარიშის წარდგენის დროს ოპოზიცია კიდევ ერთხელ გალანძღა. მან "ნაციონალური მოძრაობის" წევრებს ჰკითხა რატომ აღარ საუბრობენ მესამე პრეზიდენტის, მიხეილ სააკაშვილის ჯანმრთელობაზე.
მისი თქმით, ოპოზიციას სათქმელი აღარაფერი აქვს და პირად შეურაცხყოფებზე გადადის.
ღარიბაშვილმა თქვა, რომ ეს არის სახე დეგრადირებული, გაუბედურებული, დესტრუქციული ოპოზიციის.
მისი თქმით, ოპოზიციას სათქმელი აღარაფერი აქვს და პირად შეურაცხყოფებზე გადადის.
"ყველაზე მეტად რატომ არ სურთ ამ თემაზე საუბარი, იმიტომ, რომ მათ იციან ყველაზე მეტად, რომ მათ ჩაიდინეს ღალატი, ჩვენი ეროვნული ინტერესების. ამიტომ თუ ვინმე რამე გააკეთა, თუ რაიმე დარჩენიათ ამ გაუბედურებულ ოპოზიციას, მართლაც გაუბედურებული, საცოდავები ხართ, არაფერი სათქმელი აღარ აქვთ არცერთი მიმართულებით. ბოლო პერიოდი თქვენ რა ჩაიდინეთ, თქვენ გესმით რამხელა ზიანი მიაყენეთ ჩვენ ქვეყანას. თქვენი ბელადის კამპანია რომ კვდება, მოვწამლეთ, ვაწამეთ, ამაზე სად ხართ, რატომ აღარ ამბობთ არაფერს, გადარჩა სააკაშვილი, თუ აღდგა", - თქვა ღარიბაშვილმა.აღნიშნულს პარლამენტში ხმაური მოჰყვა. დეპუტატმა ანი წითლიძემ ირაკლი ღარიბაშვილს დაუძახა "რუსო", რის გამოც პარლამენტის თავმჯდომარემ მას მიკროფონის გარეშე საუბრის გამო შენიშვნა მისცა.
ღარიბაშვილმა თქვა, რომ ეს არის სახე დეგრადირებული, გაუბედურებული, დესტრუქციული ოპოზიციის.
"აქ ტაქტიკა აქვთ თანაც, ქალბატონებს მოგვიქსევენ შეურაცხყოფებით და შემდეგ ელოდებიან რეაქციას. ეს ძალიან მარტივი პროვოკაციებია, მე არ ვაპირებ თქვენზე ემოციების დახარჯვას, მე მინდა ხალს ველაპარაკო და ჩვენ კოლეგებს შევახსენო კიდევ ერთხელ თქვენი მოღალატეობრივი საქმიანობა", - თქვა ღარიბაშვილმა.მან კიდევ ერთხელ გაიმეორა, რომ "ნაციონალურმა მოძრაობამ" 2008 წელს ქვეყანაში შემოაბრუნა რუსული ჯარი.