გერმანიის ელჩი საქართველოში პეტერ ფიშერი ბერლინში საქართველოს პრემიერმინისტრისა და გერმანიის კანცლერის ოლაფ შოლცის შეხვედრას გამოეხმაურა.
ფიშერის თქმით, შეხვედრაზე ოლაფ შოლცმა ხაზი გაუსვა მომდევნო კვირებში "სწრაფი და გადამწყვეტი ნაბიჯების" გადადგმის საჭიროებას.

 "ოლაფ შოლცმა დაადასტურა გერმანიის მუდმივი მხარდაჭერა ევროკავშირში საქართველოს გზაზე, საჭიროა სწრაფი და გადამწყვეტი ნაბიჯები მომდევნო კვირებში. კანცლერმა დაადასტურა გერმანიის ურყევი მხარდაჭერა საქართველოს სუვერენიტეტისა და ტერიტორიული მთლიანობის მიმართ საერთაშორისოდ აღიარებულ საზღვრებში", - წერს პეტერ ფიშერი.

@Bundeskanzler & @GharibashviliGe in #Berlin. @OlafScholz affirmed continued support for 🇬🇪 path to 🇪🇺, need swift & determined reform steps in next weeks. On security implications of #RussiaInvadedUkraine, 🇩🇪 unwavering support for 🇬🇪 sovereignty within intl recognized borders. pic.twitter.com/PjQBUYPdMn

— Peter Fischer (@Diplo_Peter) June 10, 2023

მსგავსი განცხადება კანცლერის ოფისმა გუშინ, 9 ივნისსაც გაავრცელა. ადმინისტრაციის ცნობით, კანცლერმა ღარიბაშვილთან შეხვედრაზე ხაზი გაუსვა, რომ გერმანია მხარს უჭერს საქართველოს ევროკავშირისკენ მიმავალ კურსს და საქართველოს მთავრობას მოუწოდა, გადადგას ნაბიჯები საჭირო რეფორმების გასატარებლად.