უკრაინის პრეზიდენტი ხერსონის რეგიონს ეწვია, რომელიც  კახოვკას ჰიდროელექტროსადგურის კაშხლის დანგრევის შემდეგ განსაკუთრებით დაზარალდა. ინფორმაციას ვოლოდიმირ ზელენსკი ტელეგრამზე ავრცელებს:

 "ხერსონში მე მოვინახულე გადასასვლელი, სადაც მიმდინარეობს ხალხის ევაკუაცია დატბორილი ტერიტორიებიდან. ჩვენი ამოცანაა დავიცვათ სიცოცხლე და შეძლებისდაგვარად დავეხმაროთ ადამიანებს. მადლობას ვუხდი მაშველებს და მოხალისეებს! მადლობას ვუხდი ყველას, ვინც მონაწილეობს ამ საქმეში! - წერს ზელენსკი.