რუსეთის სვერდლოვსკის ოლქის ქალაქი სუხოი ლოგი საომარი დროის რეჟიმზე გადაიყვანეს. 6 ივნისიდან ქალაქშიმოქმედი ყველა საწარმო ვალდებულია, რუსული სახელმწიფოსა და არმიის მოთხოვნების დაკმაყოფილებას შეუწყოს ხელი, - იუწყება რუსული მედია.
ქალაქის ადმინისტრაცია გადაწყვეტილებას "დროებით სამხედრო წვრთნებს" უკავშირებს, თუმცა არ აზუსტებს, როდემდე გასტანს ეს "წვრთნები".
როგორც ადმინისტრაციის დადგენილებაშია აღნიშნული, "წვრთნების ფარგლებში დაგეგმილია რიგი ღონისძიებები, რომელმაც სამხედრო პროდუქციის წინასწარ განსაზღვრული მოცულობების წარმოება უნდა უზრუნველყოს".
ანალოგიური დადგენილებები, რუსული მედიის ინფორმაციით, მომზადებულია რუსეთის სხვა რიგ ქალაქებშიც.